|CAP. IX.
DE GENERALI CONTROVERSIA.

Constitutione etiam generali cau|tum est, ut omnis inter commilitones orta controversia de fundis, prædiis, & agris, vel etiam de mansionis deprædatione, quæ nostro idiomate Boran dicitur, in jam dicto colloquio agitaretur. Tum verò is, cui commilitonum judicium jus venditionis adjudicabit, cum sex sortitis in suo coetu, id est, Fjarthing, territorii sui continuatam possessionem sibi vendicare debet, præscriptionemque lege assignatâ tuebitur. Minores verò controversias duorum commilitonum testimonio placuit terminare: veteri videlicet constitutione, proximorum uno interiori, & altero exteriori, in cœnaculo, reo assidente. Licet moderni rigorem in plerisque decernant temperandum, terminumque causæ imponendum, etiàm in præsentis articuli negotio, si quis modò duobus commilitonibus undecunque acquisitis se tueri poterit.