VIII.

Interea Libencius, Bremensis archiepiscopus, ad Seland ordinauit Auoconem, ...., quem antecessor Unwanus primus ordinauit. Qui eciam Libencius archiepiscopus ordinauit ad Sleswich Popponem, dehinc Esyconem, ad Ripam Othincarum. Quorum Poppo, uir sanctissimus, fertur Svenoni multum familiaris fuisse. Hic eciam, paganis de fide Christi dubitantibus, in generali regis et populi conuentu, quia tunc se credituros spoponderant, ferrum candens in manu gestauit et illesus apparuit. Vnde factum est, ut populus crederet, et sanctus clarusque in regno fieret.