|| ORTHOGRAPHIA PRÆCIPVÆ DOMVS ARCIS VRANIBVRGI IN INSVLA PORTHMI DANICI HVÆNNA, ASTRONOMIÆ INSTAURANDÆ GRATIA CIRCA ANNUM 1580. A TYCHONE BRAHE EXÆDIFICATÆ.

|EXPLICATIO PARTIUM EXTERIORUM PRÆCIPUÆ DOMUS

A Ianua Orientalis ex Ionico et Dorico opere composita. B. Cœnaculum hybernum. F. Lapis fundamentalis, quem posuit Legatus Gallicus. G et H. Fenestræ cellæ subterraneæ. C. Cameræ pro hospitibus. Suntque uersus Occasum duæ similes. M. Musæum cum Bibliotheca. L. Laboratorium Chymicum subterraneum et rotundum continens 16. uarias fornaces arti Spagyricæ destinatas. I. Foramen per quod demittuntur carbones pro laboribus |Pyronomicis. Z. Cella subterranea pro reponendis lignis. η. Coquina. D. Camera uocata rubea. α. Camera flaua octogonalis. E. Camera cærulea. His tribus respondet uersus Occasum Cœnaculum maius æstiuum uiridi colore et herbarum picturis exornatum, unde nauium æstiuo præferam tempore præternauigantium ingens numerus prospicitur. X. Fenestræ superioris contignationis. O. Obseruatorium maius Meridionale, aliquot insignes et maiores machinas Astronomicas continens. P. Globus uolubilis, cui imponitur Instrumentum inter obseruandum distantias Stellarum, huic similis uersus Occasum respondet. Q. Ambitus octogonalis in quo situs est Globus prædictus. N. Obseruatorium minus Meridionale Armillas Æquatorias habens. W. descensus in Laboratorium, et ascensus in Obseruatorium. R. Obseruatorium maius Septentrionale aliquot etiam magnis Instrumentis refertum. S. Obseruatorium minus Septentrionale alias Armillas Æquatorias capiens. T. Alius Globus uersatilis imponendis Sextantibus inseruiens, cui etiam uersus Occasum similis respondet. In loco autem superiore ipsius domus, ubi fenestræ rotundæ uisuntur, Octona cubicula sunt pro Studiosis. ε. Suprema Camera octogonalis proxime infra cuspidem domus, ex qua undique patet prospectus, habens in circuitu ambitum, quem Gallerîam uocant, supra tectum. γγ. Structuræ octogonales, in quibus imagines excisæ, 4. Anni partes referentes, conspiciuntur. ββ. Septem Camini in unum desinentes uersus Austrum, et alij septem uersus Boream, ubi omnes Camini totius domus distinctim concurrunt. N. Horologium cuius Campana ς. superius pendet. λ. Pegasus auratus, qui uersatili indice infra tabulatum supremæ Cameræ ostendit unde uenti spirent. Ibique alius Index in eodem centro uolubilis horas monstrat. Talis est exterior facies domus siue ab Oriente siue ab Occasu spectetur.