ORTHOGRAPHIÆ STELLÆBVRGI SVBSEQVENTIS EXPLICATIO.
A Portale ex Ionico opere compositum, per quod fit descensus in Cryptas hujus Obseruatorij, superius habens tres Leones Coronatos affabre excisos, et hinc inde lapides Porphyrios, qui inscriptiones conuenientes exhibent. B rotundum laquearium, sub quô Hypocaustum, in quod undique e Cryptis ingressus patet. C Crypta in qua Armillæ Æquatoriæ majores collocantur. D Crypta Quadrantem magnum, uolubilem appellatum continens. E Crypta in qua Armillæ Zodiacales. F Crypta in qua magnum Quadratum Geometricum Chalybeum interius Quadrantem continens, existit. G Crypta ubi Sextans Quadricubitalis disponitur in suo fulcro et Globo conuolubili. Hæc quoad Cryptas ipsas breuiter indicata sint: Vlteriorem explicationem, partim supra indicata, partim suo loco manifestanda, suppeditabunt. |Exterius in area hujus capacitatis STELLÆBVRGICÆ columnæ lapideæ HI utrinque ad Ortum et Occasum dispositæ, quibus tam Regulæ Ptolemaicæ im ponuntur, quam Armillæ minores portatiles, quando requiritur, suspenduntur. KLNO Globi ful|cris suis incumbentes, et in dicta area nonnunquam dispositi, ut ijs Sextantes ad quemcunque Stellarum situm collimandum reclinentur. M mensa lapidea et rotunda, Quadranti portatili, et alijs minoribus Instrumentis in ea, cum opus fuerit, constituendis, ut obseruationibus commode inseruiant, destinata. Reliqua oculatus et intelligens considerator per se animaduertet.
ORTHOGRAPHIA STELLÆBVRGI EXTRA ARCEM VRANIÆ SITI.
