... Doctissimi illius B. PITISCI de Triangulis acutum et compendiosum libellum lubens accepi, rogoque ut illi ex me gratias agas. Optarem plures eiuscemodi concionatores reperiri, qui Geometrica gnaviter callerent, forte plus esset in ijs circumspecti et solidi iudicij, rixarum inanium et logomachiarum minus. Si is mihi aliquando scripserit et de hisce studijs contulerit, inveniet responsorem non invitum. Idem apud alios eruditos viros, quos scis emunctioris nasi, effice.