NONNULLAS dedi literas ad te ante aliquot septimanas, Nobilissime ac amplissime Domine HENRICE RANZOVI, affinis et amice honorande, inter quas quædam erant tibi aperte tradendæ, quædam vero secreto, ut seorsim solus eas legeres. Confido eas te accepisse, verum responsum ad illas usque huc nondum accepi ullum, quod per hunc tabellarium avide expeto expectoque, si forte aliqua ratione id neglectum est. Vale, et rem de qua tibi scripsi serio agi persuasum habe.