CUM hasce ad te literas obsignassem, daturus eas tuo tabellario, misi adhuc meum puerum hodie, qui est 1. Decembr. cum hacce schedula ad D. CORRADUCIUM, quam ad te mitto, ex qua intelliges voluntatem Cæsaris. Est sigillum Dⁿⁱ CORRADUCIJ et manus. Multum gavisus sum, me tandem ante hunc meum abitum hoc responsum et resolutionem Cæsaris accepisse. Hisce quod addam amplius non est necesse.