E. dei gracia Danorum Sclauorumque rex et dux Estonie. omnibus hoc scriptum cernentibus. salutem in domino sempiternam. ♦ Tenore presencium notum facimus uniuersis. quod nos exhibitoribus presencium Iohanni. Iordano. et Henrico fratribus. dictis de Wakkede. bona omnia que iure hereditario. post patrem ipsorum habuerunt. iure feodali et manu coadunata. tam ante diuisionem dictorum bonorum. quam post. concedimus cum attinenciis suis uniuersis. uidelicet. agris. pratis. pascuis. siluis. aquis. seu eciam piscaturis in perpetuum possidenda. ♦ Prohibemus igitur per graciam nostram districte. ne quis aduocatorum nostrorum uel eorundem officialium. seu quisquam alius. ipsos aut quemlibet ipsorum contra tenorem presencium litterarum presummat aliquatenus molestare. sicut regiam uitare uoluerit ulcionem. ♦ In cuius rei testimonium sigillum nostrum presentibus litteris duximus apponendum. ♦ Datum Helsingør. anno domini. m^o. cc^o.lxxx^o. vi^o. feria quarta infra octabas natiuitatis beati Iohannis baptiste. presentibus consiliariis nostris.