Nicolaus dei gracia dominus de Werle uniuersis Christi fidelibus hanc litteram uisuris salutem in domino . . . . . Uerum quia medietas dicte proprietatis ad dominium Rozstok, cui nunc dominus rex Danorum dominatur, dinoscitur pertinere, nos et nostros obligamus heredes ad firmam et perpetuam warandiam dicte proprietatis, ita quod, quocienscumque seu quandocumque sepedicti monasterii fratres a rege Dacie uel a domino de Rozstok aut ipsorum offitialibus super prefata proprietate fuerint inpetiti et nos fuerimus requisiti, debebimus ipsam proprietatem debrigare et expedire et ab omnibus ipsam inpetentibus per recompensam aliorum mansorum absoluere et quitare. ♦ In cuius rei testimonium presentem litteram dedimus dictis fratribus nostro sigillo communitam. ♦ Testes sunt: Fredericus de Kercdorp, Iohannes de Lewesow, Conradus Bruno, Ludolfus de Oldenborch, Hinricus Grubo, Tidericus de Vlotow, Nicolaus Gallus, Thidericus Molteke, milites, et alii quam plures fide digni. ♦ Datum Malchin, anno domini m^o ccc^o quinto, in uigilia beati Iohannis baptiste.