[<1> Wie Woldemar marcgreue tů Brandenborch] geuen och scult hern Heinrich von Meklinborch dat [hie binnen der tit dat hie unsen rat] gesworen hadde vnde vs des nicht vppege[seget hadde.....] vnde vs och en truwen ghelouet heft tů helpene vppe alles[wene ane uppe den koning van] Denemarken vnd dar enbinnen vnse hulpere vnde vnse din[ere vns vnttogen heft] hertogen Otten man von Stetin die tů syneme dineste vnde tů [vnseme seten des] hebbe wi groten scaden also wi wol bewisem mogen swo wie tů [rechte scolen] ♦ <2> Wie geuen eme och schult dat hie na der sone tů Broderestorppe herto[gen Otten] man tů [sik] ghenomen heft die t{ue} sinem dineste vnde t{ue} vsem seten dar [hie d]ie sone mede gebroken heft die t{ue} Broderstorppe gededinget wart des [hebbe] wie groten scaden ♦ <3> Die von Meklinborch antwerdet tů desser scult aldus dat alle dat dat daran gescen is dat is geschen na der tit dat die margreue die sone breke mit Hiddizacker vnde mit deme Sunde vnde mit deme dat die scheidelude nicht inreden tu Lichen vnde mit manigen anderen stucken die me vol wol bewisen mach vnde bouen alle ding ene heft die von Meklinborch sich nemede vnder wunden mer der vore sine man weren. ♦ <4> Hirvppe spreke wi her Droyseco vnde her Henning von Bla<n>kenborch bie unsen truwen/ dat dat recht is vnde nen rechtere ne weten noch bievragen k{ue}nnen ♦ Na dem male dat die marcgreue schult geue den von Meklinborch dat hie hertogen Otten man den margreuen vnde hertogen Otten vndtogen hebbe vor deme orloge vt erem dineste dat hie des tů rechte bikennen scal odder versaken ♦ Biekant hie des hie scal em den scaden erleggen vp recht mit [bute] ♦ Vorsaket hie des hie scal des vnsculdich werden mit sinen eden vppen [hilgen] ♦ <5> Vmme Hiddesacker vnde vmme den Sunt dar hebbe wie ere recht [vmme] sproken ♦ Darvmme en spreke wes hir nicht ♦ Hirvp hebbe [wi dissen] brif biseglet mit vnsen insiglen vnde wi her Busso von [der Dolle vnde her] Georgius Hasenkop spreke ok dat selue recht vnde hen[ghen darv]mme hiran vnse insigle.