Wy Johan und Hennincg van der gnade godes heren to Wenden bekennen und bethughen openbare in desseme breve, dad wy mit unseme leven vedderen, hern Hinrik van Mekelenburgh, ghedeghedingheth hebben, also hirna bescreven is... Unse hulpere, de wy in unsen deghedincghen benomen, synt unse heren her Cristofer und her Erik, konincghe van Denemarken, herthoghe Otto und sin sune Barnam und herthoghe Warzlaf, hertheghen van Stetin, de hertheghen albedille van Lunebůrgh, de byschop van Zwerin, greve Nicolaus van Zwerin und vor Merzlava, sin muter, de Ghans van Putlest, Detlef Wlf, Ulrik und Hinrik Moltzan, Bolto Hasenkop, Heyneko Scarpenberg, disse scint riddere, her Ghunter van Lewitzow, de eyn ritter is, alle de van Sule, Moldorp und sin brodere, Hennincg van Yaghow, Hennincg van Reventlowe und alle unse man und hulpere, de in dissen deghedincghen willen wesen ..... Dith is gheschen und disse bref is ghegheven und beseghelet mith unsen ingheseghelen vor der stadt to Brandebůrgh na godes bort dusent jar drehundert jar in deme druintwintheghesteme jare, des dincsdaghes vor sunte Marien Magdalenen daghe.