Wir Ludowich von Gots gnaden Romischer chunich ze allen zeiten merer dez riches. veriehen an disem briefe daz wir dem edeln manne. Bertolden grafen von Hennemberg/ vnserm lieben heimlicher/ vollen gewalt gegeben haben vnd geben den schaden/ vnd die phenninge do mit er ietzo lævte gewinnet in vnsern dienst ze næmen z{vo} dem chunige von Tenemarche/ ob er si do gewisser vinden mach/ danne anderswa in dem lande. ♦ Mocht er auer ir bei dem chunige nicht bechůmen noch gehaben/ dannoch hat er gewalt si ze næmen in dem lande swa er si vindet vnd gehaben mach. ♦ Dar vber z{vo} vrchund geben wir im disen brief mit vnserm insigel versigelten. ♦ Der geben ist z{vo} Nappurch. an sand Iacobs tag. do man zalt von Crists geb{ue}rt dreutzehenhůndert jar. darnach in dem vier vnd zweintzigistem jare. in dem zehendem jare vnsers riches.