Wir Ludowich von Gotz gnaden Romischer chunich ze allen zeiten merer dez riches. veriehen an disem briefe. daz wir dem edeln manne. Bertolden grafen von Hennemberg/ vnserm lieben heimlicher/ vollen gewalt gegeben haben/ vnd geben. Henrichen grafen von Honstein vnd die Harczherren/ ze bewisen vnd ze bescheiden ires schadens/ den si næmen in unserm dienst ietz^o in der marche z{vo} dem chunige von Tenemarche/ glicher weis als ires soldes. ♦ Dar vber z{vo} vrchunde geben wir im disen brief mit vnserm insigel versigelten. ♦ Der gegeben ist z{vo} Nappurch an sand Jacobs tag. do man zalt von Crists geb{ue}rt. dreutzehenhundert jar. darnach in dem vier vnd zweintzigistem jare. in dem zehenden jare vnsers richs.