Uniuersis presentes litteras inspecturis uel audituris/ Ingeburgis abbatissa monasterii sanctimonialium Guthem totusque conuentus loci eiusdem/ salutem in domino sempiternam. ♦ Notum facimus uniuersis per presentes/ nos/ nobili militi ac honesto/ domino Eskillo Crakæ presencium exhibitori/ et suis ueris heredibus/ omnia bona in Caalfslundæ/Caxstorph et Skamstorph in Syalendia/ ac omnia bona nostra in Østræmarche/ Meonie/ ceteraque bona nostra infra regnum Dacie sita/ a festo beati Michaeli archangeli/ in anno domini m^o. ccc^o. uicesimo sexto/ per decem annos inmediate subsequentes dimisisse pro sue uoluntatis beneplacito libere ordinanda/ ita tamen quod idem dominus Eskillus Crakæ/ nobis uel nostro certo nuncio Roskildis in Syalendia decem et octo marchas argenti puri sub pondere Coloniensi et quadraginta marchas denariorum Syalendensium nouorum/ de eisdem bonis/ racione annualis census/ singulis annis/ in festo beati Martini episcopi soluat et exponat/ ♦ In cuius rei testimonium sigillum conuentus nostri presentibus duximus apponendum/ ♦ Datum Guthæm/ anno domini supradicto in natiuitate beate Marie uirginis.