© 2024 Det Danske Sprog- og Litteraturselskab. Copyright
Dansk Litteratur drives af Hugo v0.134.2
Hosting: Det Danske Sprog- og Litteraturselskab
Wi Johan van der gnade godes greue to Holtsten vnde to Stormeren. bekennen vnde betughen in desseme breue, dat wi edder vse nacomende erve sculdich sint heren Hermanne Clenedenste, Thidemanne vnde Hermanne Witten broderen vnde Iohanne Vundengud, borgheren to Lubeke, vnde eren eruen dusent marck lubeker penninghe bouen de veer dusent marck, dar se vse breue vp hebbet, vnde nicht dar af to rekende, aldus to gheldende/ vif hundert marck to sunte Mertins daghe, deze kumpt in deme iare na godes bort dusent drehundert vnde seuen vnde dertighesten. ♦ De anderen vif hundert marck scole wy en bereden dar na ouer en iar echter to sunte Mertins daghe, deze kumpt in deme iare godes dusent drehundert vnde achte vnde dertighesten. ♦ Desse dusent marck scole wi en io bereden to Lubeke in der stat vmbeworren. ♦ Vortmer so bekenne wi, dat wi en ghelaten hebbet vnde bewiset an den ghizelen, de to horet heren Wiperte Lutzowen vnde Iohanne Hummersbutte, den seluen borgheren twelf hundert marck lodighes sulueres, vns an alle deme vorbenomeden ghelde nicht af to slaende. ♦ Vortmer so hebbe wi ghelaten hundert marck gheldes den seluen borgheren in deme lande to Vemeren, alse de breue spreket de se dar vp hebbet, dar vnse ingheseghel vnde hern Echardes van Brochtorpe vore sint ghehanghen, de se alle iar vp boren scolen to helpe erer sculd, vnde nicht af to slaende an ienighem ghelde vorbenomet, bet dat men se vor dusent marck van en lose. Aeg ♦ Tughe sint her Herman van Ghermessen, her Niclaus Langelowe riddere; her Bertram Cremun vnse cappellan; her Constantin, her Johan de Rode, borghere to Lubeke. ♦ To ener betughenitze desser dinghe so hebbe wi vnse ingheseghel vor dessen bref gheheten hengen. ♦ Desse bref is ghe gheuen in deme iare godes dusent drehundert vnde dre vnde dertighesten, des neghesten daghes na der hoghinge des hilghes cruces.
Vi Johan, af Guds nåde greve af Holsten og Stormarn erkender og bevidner med dette brev, at vi eller vore efterkommere skylder de herrer Herman Kleindienst, Tideman og Herman Witte, brødre, og Johan Vundengud, borgere i Lübeck, og deres arvinger 1000 mark i lybske penge udover de 4000 mark, hvorom de har vore breve, og ikke at fradrage i denne sum, at betale således: 500 mark til mortensdag i året 1337, de næste 500 mark skal vi fremdeles betale dem et år derefter til mortensdag i året 1338. Disse 1000 mark skal vi hver gang betale dem uden indvendinger i staden Lübeck. Fremdeles erkender vi, at vi har overdraget dem og anvist samme borgere 1200 mark lødig sølv i gidslerne, som tilhører herrerne Wichbert Lützow og Johan Hummersbüttel, og disse skal ikke afkortes i alle førnævnte penge. Fremdeles har vi draget samme borgere 100 mark penge i landet Femern, således som de breve lyder, som de har derpå og under hvilke vort og Eggert af Brockdorfs segl er hængt; disse penge skal de oppebære hvert år til hjælp for deres tilgodehavende, og de skal ikke afdrages i føromtalte penge, indtil man løser dem fra dem med 1000 mark ... Vidner herom er hr. Herman af Ghermenze, hr. Nikolaus Langelo, riddere, hr. Bertram Kramon, vor kapellan, hr. Konstantin, hr. Johan Rode, borgere i Lübeck. Til vidnesbyrd herom har vi befalet at hænge vort segl under dette brev. Dette brev er givet i Guds år 1333 dagen efter korsets dag.