Wi Hinrick und Clawes van Gades gnaden greven tho Holsten und tho Stormaren bekennen und betugen apenbarlicken in dissem breve, dat gededinget is twischen uns von der einen wegen und twischen den radtgevern und den vogeden, den sluteren, den swornen und der gantzen gemenheit des gantzen landes tho Ditmerschen van der anderen wegen ene gantze soene und ein stede frundschop umb alle schelinge, de twischen uns und ene an beiden siden geschen is in dissem orleghe, dat nu gewesen heft, in dusser wise ♦ ..... ♦ Vortmer de Eider und de Treya, de scholen frey und felich wesen einem jweliken guden manne syn werf tho werwende upwardt und nedderwardt, wanne unde wor he wil, und darne wille wy noch enschollen nener hande nien tol opseten noch afnemen. ♦ ..... Gegeuen und schreven tho Rendeßborch na Godes gebordt dusent jar drehundert jar in dem einundvertigsten jare des andern mandages in der vasten.