In nomine domini amen. ♦ Anno natiuitatis eiusdem millesimo ccc^o quinquagesimo quarto, indictione septima, mensis februarii die uicesima, hora nona uel quasi, pontificatus sanctissimi in Christo patris et domini nostri, domini Innocentii pape Sexti anno secundo, in mei notarii infrascripti testiumque subscriptorum presentia personaliter constituti discreti uiri et honesti dominus Iohannes Verda presbyter Bremensis dyocesis parte ex una necnon ..... consules in Kyle dicte dyocesis ex altera ...... concordauerunt ..... ♦ Acta et facta sunt hec ante castrum oppidi Kyle extra iurisdictionem Lubicensis iudicii anno, indictione, mense, die, hora et pontificatu quibus supra, presentibus honorabilibus uiris et discretis dominis Hinrico preposito monasterii Nouimonasterii ordinis sancti Augustini, rectore parrochialis ecclesie in Kyl Bremensis diocesis, Symone et Iacobo canonicis regularibus eiusdem monasterii fratribus, Conrado gardiano, Marquardo lectore, Borchardo Wetberghe et Detleuo ordinis fratrum minotum conuentus in Kyl, fratre Detberno Libeden ordinis beati Iohannis domus hospitalis in Othonia, Wernero rectore ecclesie in Petherstorpe, Arnoldo rectore ecclesie in Haddebo, Petro Buk rectore ecclesie in Brygghe, Hinrico de Hauenis perpetuo uicario in ecclesia parrochiali in Kyl, Marquardo Zøthen perpetuo uicario in ecclesia beati Petri in Sleswich, Nicolao Wighendorp, Nicolao Aspen, Nicolao et Iohanne Gudeman, presbiteris, Martino Langhesiden, Conrado Hemmendorpe et Lamberto Lobeken, clericis, necnon Marquardo de Wisch, Ottone Mørder, Langhe Plessen et Nicolao Spliit, militibus, arbitris supradictis Bremensis, Othoniensis, Sleswicensis, Caminensis, Lubecensis et Hildessemensis dyocesium et aliis pluribus fide dignis ad premissa uocatis specialiter et rogatis ♦ ..... Et nos Marquardus de Wisch, Otto Mørder, Langhe Plesse et Nicolaus Spliit, milites, arbitri supradicti, Hinricus prepositus monasterii Nouimonasterii ordinis sancti Augustini supradictus, Conradus gardianus, Wernerus rector ecclesie in Petherstorpe, Petrus Buk rector ecclesie in Brygghe, Arnoldus de Haddebo, Hinricus de Hauenis et Marquardus Zøthe, uicarii supradicti, omnibus et singulis supradictis presentes una cum notario et testibus suprascriptis interfuimus et ea sic acta et facta fuisse et esse appensione nostrorum sigillorum approbantes protestamur.