Allenn, de dessenn ieghewardighenn schrifft seen, Woldemharus, van der gnade gades hertoge in Iutlandt, ewighenn heyl an den heren. ♦ Wii doen kundt allenn ieghenwardighenn vnde tokomende, dat wii een midt vnnsenn eruen, van ripen vnnde wolbedachten rade der mechtigestenn vnnses landes, desse ieghenwardighenn breff wisere, borghere to Fflenszborgh vnnde ere nhakomelinghe alle van alles tollen betalinghen vns edder vnnsen eruen hir nhamals to donde van erenn gudern edder eren copenschoppenn bynnen der stadt vorbenomet quydt, fry vnnde gantzlikenn entschuldigedt ewichliikenn geuenn vnnde vorlaten vormiddelst dessenn ieghenwardigen breuenn. ♦ Hir vmme by vnnser gnade vorbedenn starkliikenn vnnde strengliikenn, dat nummenndt vnnser vogede, ere amptlude edder iummendt anders, wes wesendes edder states se sin, sick ieghenn desse ieghenwardt gaue ienigerleye wiis beswarenn, liikerwiis se vnnse gnade leff hebbenn vnde vnse broke vormydenn willenn. ♦ Gheuenn Sunderborgh vnnder vnszeme ingesegele in sunte Lucie der iunncfrouwenn daghe, in ieghenwardicheidt Knut Ffriissz, Wogii Niclesszon, Cristiern St{ue}r, Peter Daa, Hermen Dene vnde velenn mer loffaftighenn ludenn.