Van clederen tot der stad knechten behoef.

.....

Den zes soeldenyerres die van onser stad weghen in den vredecogghen van Herderwiic vytvuren vp den coning van Denemarcken do sy yrst vytvuren elken iii ellen ghewandes tot eynen rocke vor elke elle xx grot maken xxii libras x solidos.

.....

Horen knechte drie ellen ghewaendes tot sinen rocke vor elke elle xvi grot maken iii libras.

Vor soelt.

.....

Iohanne Lepping.. Henrike ter Brugghen. Arende Vpperheest Gheride Vrancken Egberte van Wilsem ende Berende Splitof die onse stad vytsende mit den vredecogghe van Amelsterdamme te hulpe den Oesterschen steden. vp den coning van Denemarcken do sie iirst vytvuren elken xvi. schilde maken xcvi. schilde die maken c. xliiii. libras.

Den seluen do sie hore cost iirst makeden int schip lx. schilde maken xc. libras.

.....

Den vorsscreuen zesse soeldenyerres daer sie hoer deel van den vredecogghen mede betaelden ende anders ryesschap dat sie in den seluen cogghen behoueden lxiiii. schilde maken xcvi. libras.

Den zeluen soeldenyerres daer sie hore cost mede betaelden tot Amelsterdamme in der herberghen eer sie vytvuren xxv. svhilde maken xxxvii. libras. x. solidos.

Den zeluen soeldenyerres bi Arende van Dummer ghesant in Denemarcken daer sie leghen c. rosikens mottonen an oelden schilden ende an anderen ghelde elc stucke gherekent vor xxvii. grot maken c.lxviii. libras xv. solidos.

.....

Vor eyn perd dat ghecoft was tot heren Gheuerdes be[hoef d]ie van der stad weghen in Denemarcken ghereden soelde hebben

.....

Meyster Willam den armborstierre. vor. vii^c. uolmakedes schotes. vor elc .c. xviii. grot maken vii. libras xvii. solidos. vi. denarios.

Meyster Willam den stratemaker die die vorsscreuen pile veghede ende smeerde ende vor wiincoep van den zeluen pilen te zamen xxx. solidos.