© 2024 Det Danske Sprog- og Litteraturselskab. Copyright
Dansk Litteratur drives af Hugo v0.134.2
Hosting: Det Danske Sprog- og Litteraturselskab
Trykt efter Hanserec.:
In godes namen amen, ♦ Witlik sy alle den ghenen, de dessen breef seen unde horen lesen, dat ik Cord Molteke, houetman tho Wardbergh in Hallande, bekenne unde bethuge apenbare in desseme breve umme alle de dedinghe unde andelinghe, alze se begrepen syn twischen mynem heren koningh Woldemer, her Heningh van Pudbusk, des rykes tho Denemarken houetman, unde andern hovetluden unde ratgheven des sulven rykes, alze her Nycolaus ertzebiscop tho Lunden, Ericus byscop to Odenzee, Nicolaus byscop to Roskilde, Iohannes Tyrbach, hovetman to Werdinghborch, Vicke Molteke, hovetman to Nebbe, Iacob Olavisson, Benth Bůgghe, hovetman to Holenbeke, Øtze van Budelsbach van Iungheshoved, Iacob Niclesson, hovetman to Zeborgh unde to Gorgø, Ruyth, hovetman to Korsøre, Hinric Ionsson, Yentzeke Parys, riddere in Zelande, Ionis Peele, hovetman to Calvø in Iutlande, Heyno Cabolt, Hennyngh Køtelsbergh, riddere, hovetlude to Ørkele, Henneke Molteke, knecht, hovetman to Nůborgh, Ionis Alskilsson, ridder, Hennyngh Meynerstorp, ridder, hovetman to Traneker in Langhelande, Kersten Kůle, ridder, hovetman to Aleholm in Lalande, Cord Molteke, hovetman to Wardbergh in Hallande, Hinric van der Osten, ridder, hovetman to Weseborgh van Sampsø, Offo Basse, ridder, Ricmannus van der Lanke, Peter Eskilsson, hovetman to Lagheholme, Tůke Pøder, hovetman to Ørsteen, Peter Niclesson, hovetman to dem Lintholme, Torkil Niclesson, hovetman to Ahusen, Peter Axselsson van Biernsholme, Bosso Parys unde Peter Valke, knapen, dat ik des sundeliken volborde unde beiaworde na mynes heren hete vorebenomed unde des hovetmannes unde na alle der vorscreven willen unde rade des rykes to Denemarken unde dar to myt mynes sulves vrighem willen unde twischen den steden, alze Lubek, Rozstok, Stralessund, Wysmer, Gripeswold, Stetyn, Colbergh, Nyen Stargarde, Colne, Hamborgh unde Bremen, in Průtzen, Cholmen, Thorn, Elbingh, Dantzk, Koninghesbergh, Brunsbergh, in Lyflande, Righe, Darpte, Reuele, Pernowe, in der Zuderzee, Campen, Deventer, Vtrecht, Swolle, Haselet, Groninghe, Cirxzee, Brele, Middelborch, Arremøde, Herderwyk, Zůtphen, Elborgh, Stouern, Dordrecht, Ammesterdamme, also efte den vorbenomeden steden eren borgheren unde ghesinde iennich wedderstal edder ghebreke weddervøre bynnen viften iaren in alle deme, dat en to besegelt is van des rykes rade vorbenomed, dat ik my myt deme slote to Wardbergh myt alle syner tobehoringhe, alze ik dat inne hebbe van mynes heren des koninghes <weghen> vorbinde to den steden unde holden scal to den steden, unde dat it sy ere opene slot to alle eren nøden alzo langhe, dat en sulk wedderstal unde ghebrech wedder dan sy. ♦ Vortmer were, dat myner Cord Molteken vorbenomed to kort worde bynnen dessen veften iaren, so scal myn sone Evert Molteke unde Clawes scriver in der selven bewaringhe sitten myt deme slote unde syner tobehoringhe to der stede behuf, alze ich my to en vorb{uv}nden hebbe. ♦ To ener merer bewaringhe unde ener gansen zekerheyt der stucke, de vorscreven stan, løve ik by eren unde by truwen ane arghelist unde ane alleleye hulperede, beyde gestlik unde werlik, stede unde vast unde unghebroken to holdende. ♦ Des hebbe ik Cord Molteke vorbenomed myn inghesegel myt den heren, her Henningh van Pudbusk, hovetman des rykes to Denemarken, ertzebiscop unde biscop, ridderen unde knapen, alze ze vorscreven stan, myt willen unde witscop unser en iewelik vor dessen bref syn ingheseghel ghehenget, de gheven unde ghescreven is to deme Stralessunde na godes bort drettenhundert iar in deme zeventighesten iare des negesten daghes na unses heren gode<s> hemelvart.
20 (weghen)] mgl. aa.
16 andelinghe = handelinghe.
4 gode(s)] gode aa.
I Guds navn, amen. Det skal være vitterligt for alle dem, som ser dette brev eller hører det læse, at jeg Konrad Moltke, høvedsmand på Varberg i Halland, afgiver med dette brev en offentlig erklæring angående alle de aftaler og forhandlinger, således som de er sluttet mellem på den ene side min herre kong Valdemar, herr Henning Podebusk, Danmarks riges høvedsmand, og andre høvedsmænd og råder fra samme rige, såsom herr Niels, ærkebiskop af Lund, Erik, biskop af Odense, Niels, biskop af Roskilde, Jens Tirbach, høvedsmand på Vordingborg, Fikke Moltke, høvedsmand på Nebbe, Jakob Olufsen, Bent Byg, høvedsmand på Holbæk, Otze Bydelsbak af Jungshoved, Jakob Nielsen, høvedsmand på Søborg og Gurre, Rud, høvedsmand på Korsør, Henrik Jensen, Jentzeke Paris, riddere på Sjælland, Jens Pele, høvedsmand på Kalø i Jylland, Heine Kabolt, Henning Køtelberg, riddere, høvedsmænd på Ørkild, Henneke Moltke, væbner, høvedsmand på Nyborg, Jens Absalonsen, ridder, Henning Meinerstorp, ridder, høvedsmand på Tranekær på Langeland, Kristian Kule, ridder, høvedsmand på Ålholm på Lolland, Konrad Moltke, høvedsmand på Varberg i Halland, Henrik van der Osten, ridder, høvedsmand på Vesborg på Samsø, Uffe Basse, ridder, Rikman van der Lancken, Peder Eskilsen, høvedsmand på Laholm, Tyge Puder, høvedsmand på Öresten, Peder Nielsen, høvedsmand på Lindholm, Torkil Nielsen, høvedsmand på Åhus, Peder Absalonsen af Björnholm, Bosse Paris og Peder Falk, væbnere, nemlig at jeg (o.s.v. ordret som nr. 371, dog 15 år i stedet for 16 år). På det har jeg fornævnte Konrad Moltke hængt mit segl sammen med herr Henning Podebusk, Danmarks riges høvedsmand, den herre ærkebiskop og de herrer biskopper, riddere og væbnere, således som de står skrevet foran, og som med vilje og vidende har hængt hvert sit segl under dette brev, som er givet og skrevet i Stralsund i det Herrens år 1370 næste dag efter vor herre Kristi Himmelfart.