Wir Karl von gots gnaden Romischer keyser czu allen czeiten merer des reichs vnd kunig zu Behem. embieten allen fursten/ grafen/ freyen/ herren; dyenstleuten/ ritterny knechten/ richtern; ratmeystern/ burgermeistern/ ratleuten/ burgern/ vnd gemeinscheften/ aller lande. stete vnd gelegenheit/ die in vnserm/ vnd des heiligen reichs gebiete/ begriffen seint vnsern lieben getrewen. vnsir hulde/ vnd alles gut. ♦ Lieben getrewen/ ♦ Wann wir/ den durchleuchtigen Woldemaren/ kunig czu Denemarken/ vnsirn lieben bruder/ mit sulchen bruderlichen fruntschefften/ also gencezlichen» meynen/ das wir gerne/ sein/ vnd aller der seinen/ bestes sehen/ mit bruderleichen trewen. vnd dauon/ gebieten wir euch allen; vnd ewer ieclichem besunder/ ernstlich vnd vesticlichy bey vnsern/ vnd des heiligen reichs hulden/ das ir als offt das; an euch gesuchet wirdet/ denselben kunig/ vnsern lieben bruder/ vnd alle die seinen/ ir leip/ vnd ir gut/ als offt; der egenante/ vnser bruder/ mit den seinen/ czu vns/ odir von vns/ kumen wil/ eren/ wirden/ geleiten/ furdern/ sichern/ vnd schirmen wollet vnd sullet/ mit guten trewen/ vnd an alles geuerde/ noch dem/ als seine kunigliche wirde vnd ere/ das angehoret in eren vnd in rechte. ♦ Mit vrkunt ditz briefes vorsigelt mit vnserm keyserlichem ingesigele/ der geben ist czu Prage nach Christus geburt/ dreutzenhundirt iar dornach in dem sibentzichtem iare. an dem nechsten sunabend/ nach sante Iacobus tage/ des heiligen czwelffboten. vnsir reiche des Romischen in dem funmff vnd tzwentzigstem/ des Behemischen in dem vier vnd czwentzigsten vnd des keysertums in dem sechtzenden iare\