Wir Karl, von gots gnaden Romischer keyser, zu allen zeiten merer des reichs W vnd kunig zu Beheim, bekennen fur vns, vnser sone vnd erben vnd thun kund offentlich mit diesem brieue allen den, die in sehend oder horent lesen, dasz wir dem hochgebornen Albrechten dem iungern von Meckelnburgh, kunig Woldemars von Denemarcken tochtersone, dartzu das er vnd seine erben bei dem kunigreiche von Dennemarcke bleiben, ab derselbe kunig Woldemar von Denemarcken stirbet vnd nicht ehliche erben mannesgeslechte hinder ime lesset, mit worten vnd wercken getrewlichen als ein freund dem anderen raten vnd helfen sollen vnd wollen, so wir beste mugen, ane alles geferde. ♦ Mit vrkund disz briefs vorsiegelt mit vnser keyserlichen maiestat insiegel. ♦ Geben zu Tangermunde nach Christus geburt dreyzehenhundert iare darnach in dem viervndsiebentzigsten iare an dem negsten freitage nach sanct Marcus tagk, des heiligen euangelisten, vnser reiche in dem achtvndzweinzigsten vnd des keyserthumbs in dem zweintzigsten iare.

De mandato domini imperatoris Nicolaus Camericensis prepositus.