Wir Wentzla, vonn gots genaden kunig zu Behem, marggraue zu Branndenburgk vnnd hertzog in Schlesien, vnd wir Sigismundus vnnd Iohanns gebrůder, von gots gnadenn marggrauen zu Brandenburgh, bekennen fur vnns, vnnser erben vnnd nachkomen, marggrauen zu Brandenburgk, vnnd thun kundt offentlichenn mit diesem brieue allen den, die in sehend oder horendt lesen, dass wir dem durchleuchtigen furstenn hern Albrechten, kunigen zu Schwedenn, vnserm lieben oheim vnnd seinen erben, das sye bei dem k{oe}nigreiche zu Schweden bleiben, vnnd auch hertzogen Albrechten dem iungern, kunig Woldemars vonn Dennemarcken tochtersonn, dartzu das er bei dem kunigreiche zu Dennemarcken bleibe, ab derselbe kunig Woldemar sturbe vnnd nicht ehliche erben mannes geschlechte hinder ime liesse, mit worten vnd wercken getrewlichenn als ein freund dem andern raten vnnd helffen sollen vnnd wollen, so wir beste mugenn, one alles geferde. ♦ Mit vrkunden diss briefes vorsiegelt mit vnserm anhangendem ingesiegeln, der geben ist zu <G>ubin nach Cristes geburte dreitzehenhundert iar darnach im vier vnd siebentzigsten iare ann der heyligenn dreyfaltigkeit tage vnsers des v<or>ge<nanten> kunig Wentzlas kunigreichs in dem eilfftenn iare.