© 2024 Det Danske Sprog- og Litteraturselskab. Copyright
Dansk Litteratur drives af Hugo v0.134.2
Hosting: Det Danske Sprog- og Litteraturselskab
Tekst efter A:
Wy her Tůfe Galle vnd her Anders Iacobusson riddere bekennen vnd betugen openbar in dessem breue dat wi mit vorbedachten mude vns gesat hebben vnd setten mit kraft desses breues to hůlpe to rade vnd to denste deme hocheboren vorsten vnd heren hern Alberte deme iungeren hertogen to Mekelenborch konyng Woldemars dochterkind vnd van siner wegenne to sineme olderuadere hern Alberte vnd to sineme vadere hern Hinrike hertogen to Mekelenborch also dat wi van staden an sunder vortoch mit alle vsen vrůnden vnd alle den ienen de wi to vs teen konen vnd mogen deme vorbenomeden hertogen Alberte konyng Woldemars dochterkinde vnd van siner wegenne hertogen Alberte sineme olderuadere vnd hertogen Hinrike sineme vadere vorbenomet truweliken sunder iengerleige argelist vnd hulperede behulpen sin scolen vnd willen mit gantzer macht vnd mit alle deme dat wi vortbringen konen vnd mogen vnd mit alle vsen vrunden de wi darto teen konen vnd mit allen vsen vesten vnd sloten vnd gude de wi in deme konyngrike to Denemarken hebben dat he bi sineme erue vnd rechticheit vnd wes em angestoruen mach wesen vnd is an deme konyngrike to Denemarken dat he dar to kome vnd bi bliue ♦ Vnd wi en scolen noch en willen vs nummer van en setten edder scheiden nynerleige wis wen wi scolen vnd willen trůweliken bi en bliuen alůt to alle ereme rechte vnd to alle eren noden sunder hulperede edder argelist ♦ Were ok dat wi slote kregen edder wnnen in deme konyngrike to Denemarken in desser vorbenomeden heren krige dar scole wi vnd vse eruen mit vsen deneren truweliken bi ereme denste mede bliuen ♦ Vortmer wenne se vs de twe slote antwerden in deme rike to Denemarken van hertoge Albertes wegen hertoge Hinrikes sone konyng Woldemars dochterkind de scolen vnd wille wi vnd vse eruen deme vorbenomeden hertogen Alberte konyng Woldemars dochterkinde vnd hertogen Alberte sineme ølderuadere vnd hertogen Hinrike sineme vadere van siner wegenne to gude holden vnd daraf důn also vele alse mogelik vnd redelik is in sulker wis als de breue luden vnd vtwisen de se vs vppe desse degedinge geuen hebben ♦ Alle desse vorgescreuen dink stede vnd vast to holdende loue wi vorbenomede her Tůfe Galle vnd her Anders Iacobusson riddere vnd vse eruen den vorbenomeden hertogen Alberte vnd hertoge Hinrike sineme sone vnd hertogen Alberte konyng Woldemars dochterkinde vnd eren eruen in guden truwen sunder iengerleige argelist edder hulperede in desseme breue dar wi to tůge vnser beider ingesegele an dessen breff hebben hengen laten de gescreuen vnd geuen is to der Wismer na godes bort drutteynhundert iar in deme souen vnd souentegesten iare des dingesdages vor sunte Laurencius dage.
Vi herr Tue Galen og herr Anders Jakobsen, riddere, erkender og bevidner åbent med dette brev, at vi med velberåd hu har forpligtet og med dette brev forpligter os til hjælp, bistand og tjeneste over for den højbårne fyrste og herre, herr Albrecht den yngre, hertug af Mecklenburg, kong Valdemars datterbarn, og på hans vegne over for hans bedstefader, herr Albrecht, og hans fader, herr Henrik, hertug af Mecklenburg, således at vi straks uden opsættelse tillige med alle vore venner og alle dem, som vi kan og formår at knytte til os, skal og vil hjælpe den fornævnte hertug Albrecht, kong Valdemars datterbarn, og på hans vegne fornævnte hertug Albrecht, hans bedstefader, og hertug Henrik, hans fader, i troskab uden nogen argelist og udflugt af al vor magt og med alt det, som vi kan og formår at bringe i stand, og med alle vore venner, som vi kan vinde derfor, og med alle vore befæstninger og borge og med det gods, som vi har i kongeriget Danmark, så at han kan komme til og forblive ved sin arv og ret og ved alt, hvad der ved arv kan være og er tilfaldet ham af dette kongerige Danmark. Og vi hverken skal eller vil aldrig bryde med eller skille os fra dem på nogen måde, men vi skal og vil i troskab forblive hos dem fuldt og helt, for så vidt angår al deres ret og al deres nød, uden udflugt eller argelist. Hvis vi ydermere får eller vinder borge i kongeriget Danmark i disse fornævnte herrers krig, med dem skal vi og vore arvinger med vore tjenere i troskab forblive i deres tjeneste. Hvis de fremdeles overdrager os de to borge i Danmarks rige på hertug Albrechts vegne, hertug Henriks søn, kong Valdemars datter barn, dem skal og vil vi og vore arvinger holde til gavn for den fornævnte hertug Albrecht, kong Valdemars datterbarn, og hertug Albrecht, hans bedstefader, og hertug Henrik, hans fader, på hans vegne og derfra yde så meget, som er rimeligt og passende, således som de breve lyder på og udviser, som de har givet os på disse aftaler. At overholde alle disse forskrevne punkter stadigt og fast lover vi fornævnte herr Tue Galen og herr Anders Jakobsen, riddere, og vore arvinger over for de fornævnte hertug Albrecht og hertug Henrik, hans søn, og hertug Albrecht, kong Valdemars datterbarn, og deres arvinger på vore gode tro uden nogen argelist eller udflugt med dette brev, idet vi begge til vidnesbyrd har ladet vore segl hænge under dette brev, som er skrevet og givet i Wismar år 1377 efter Guds byrd tirsdagen før sankt Laurentius' dag.