In godes namen amen ♦ Ik Herbord Cruse en borger to deme Sunde. allene dat ik bin crank an deme liue doch so bin ik ghesunt myner danken vnde myner redelicheyt god sy ghebenedyt. eft syk myn leuent wandelt in dat eweghe leuent so sette ik vnde make myn testament in susdaner wys. ♦ ..... ♦ Item gheue yk thu voren vt Hans Cyngestes kynderen dorch god vnde dorch myner zele wyllen .l. mark Sundesch. ♦ Item gheue yk em de halue bodestede de knokenbode de ik hebbe stande tho Valsterboden. ♦ ..... ♦ Ghegheuen tho deme Sunde na godes bord. m^o. ccc^o. in deme lxxx^o iare. in sunte Margareten auende der hylghen iuncvruwen...