Anno domini etcetera xcii die Katerine ciuitates Prussie Marienburg congregate tractabant subnotata

<1> .....

<2> Vort also sie vns schreiben von der segelacien dis ior wie men das bestelle noch dem als is obel steet von den seerobers/ vnd wie das wir vnsere sendeboten des volmechtick solden machen/ mit yn zcu reden ♦ Hiruff wir yn widder schreiben/ vnser antwert das wir mit vnserm heren dem homeyster des sint zcu rate geworden das wir durch den Sunt dys yor hin vnd her widder mit floten zegelen wellen vnd der schiffe sal yo nicht wynniger seyn denne x ♦ Were das/ dus ymant breche von dissem lande adder von anderen landen/ der disser lewte gut von Prewszen zcur zeeh wert furte/ das schyff adder den man den sal nymant bynnen vumff iaren laden/

<3-8> .....

<9> Vort so hot der voget von Schone den steten vorgebrocht/ das man die herincktonnen dis landis vff Schone nicht gerne koffen will, vmb das/ das sie grosser seyn denne ander tonnen bey der seh/ ♦ Des sollen die von Dantczk eren bryff den heren von Lubeck senden ap sie bey der Rostocker bande adder der von Colbergk bleyben willen vnd welke tonnen men anders vff Schone funde/ das man dy vorbrente

<10> .....

<11> Vort welch hantwerckesman eynne bude heldt/ vff der Prewsschen vitte zcu Schone der sall douon geben gleiche eyme visscher ♦ Vnd von den karinentregers des synt die vogete vff Schone eyns geworden vnd zegen gerne das eynne igliche stat das vorbote das nymant mit karynen heringk tragen solde noch keyn kouffman solde den herinck von im kowffen.