Rex balliuis suis uille de Orewelle ac scrutatori et custodibus passagii in portu eiusdem uille necnon aliis ministris et subditis suis quibuscumque eorundem uille et portus/ salutem. ♦

Monstrauerunt nobis Hugo Bartoun de Londoniamercator et Willelmus Holgrym de Londonia ut cum ipsi quandam nauem de Pruce unde Lambertus Yonge est magister apud le Scone cum allece uersus ciuitatem nostram Londoniam ducendam nuper carcassent/ ac nauis illa uelando abinde uersus ciuitatem nostram Londoniam in portu dicte uille de Orewelle pro recreacione ibidem habenda applicuisset et ibidem per Ricardum Draxseruientem nostrum ad arma pretextu cuiusdam commissionis nostre sibi inde directe arestata et sub huiusmodi aresto adhuc detenta existat. ♦

Nos pro eo quod Iohannes Eyldesham de Londonia coram nobis in cancellaria nostra personaliter constitutus manucepit pro prefatis Hugone et Willelmo/ iidemque Hugo et Willelmus assumpserunt pro se ipsis/ uidelicet quilibet eorum sub pena centum librarum quod iidem Hugo et Willelmus nauem predictam directe uersus ciuitatem nostram predictam et non alibi ducent seu ducere facient quas quidem summas iidem Iohannes Hugo et Willelmus concesserunt de terris et catallis suis ad opus nostrum leuari si iidem Hugo et Willelmus premissa in aliquo contraria iurent. ♦

Uobis precipimus quod nauem ac allec predicta si ea occassione et non alia arestata existant sine dilacione dearestari facere ac ipsos Hugonem et Willelmum nauem et allec predicta uersus ciuitatem nostram predictam ducere seu ducere facere permittatis aresto predicto non obstante/ ♦

Teste. rege apud Westmonasterium vi die decembris.