Henricus dei gracia rex Anglie et Francie et dominus Hibernie omnibus ad quos presentes littere peruenerintA\ salutem. ♦ Sciatis quod cum ut accepimus ob defectum boni et sani regiminis et gubernacionis diuersa dampna dissensiones grauamina et angustie inter mercatores regni nostri Anglie in partibus Prucie Dacie Norweie hanse et SwethieA commorantes sepius ante hec tempora mota fuissent et perpetrata ac maiora exinde quod absit futuris temporibus uerisimiliter euenire formidantur nisi pro meliori gubernacione inter eosdem mercatores mutuo habenda manus nostras adiutrices celerius apponamus\ nos dampnis et periculis in hac parte imminentibus precauere et eosdem mercatores et alios de dicto regno nostro ad partes predictas uenturos iuste et fideliter regi et pertractari intime considerantesA uolumus et tenore presencium concedimus eisdem mercatoribus quod ipsi quociens et quando eis placuerit in quodam loco competenti et honesto ubi sibi placuerit se congregare et unire et certas personas sufficientes et idoneas in gubernatores suos in eisdem partibus inter se ad eorum libitum eligere et optinere ualeant libere et impune dantes ulterius et concedentes huiusmodi gubernatoribus per predictos mercatores sic eligendis quantum in nobis est potestatem et auctoritatem speciales omnes et singulos mercatores Anglicos ad partes predictas decetero uenientes et declinantes per se uel sufficientes loca sua tenentes regendi et gubernandi ac eis et eorum cuilibet in suis causis et querelis quibuscumque inter eos in partibus predictis motis uel mouendis plenam et celerem iusticiam faciendi et quascumque questiones contenciones discordias et debatas inter ipsos mercatores Anglicos et mercatoresA parcium predictarum motas uel mouendas reformandi. reformacionemque petendi redigendi sedandi et pacificandi et quecumque transgressiones dampna mesprisiones excessus uiolencias et iniurias mercatoribus parcium predictarum per predictos mercatores Anglicos facta seu facienda redigendi reparandi restaurandi et emendandi consimilesque restituciones reparaciones restauraciones et emendaciones de ipsis mercatoribus parcium predictarum seu deputatis suis requirendi petendi et recipiendi ac de communi assensu mercatorum Anglicorum predictorum statuta ordinaciones et consuetudines prout pro meliori gubernacione status eorumdem mercatorum Anglicorum in hac parte uidebitur expedire faciendi et stabiliendi et omnes et singulos mercatores Anglicos prefatis gubernatoribus sic eligendis uel eorum loca tenentibus seu eorum alicui aut alicui statutorum ordinacionum et consuetudinum predictorum contrarios rebelles uel inobedientes iuxta quantitatem delicti seu in hac parte racionabiliter puniendi uolentes insuper omnia iusta et racionabilia statuta ordinaciones et consuetudines per dictos gubernatores sic eligendos in forma predicta facienda et stabilienda necnon omnes iustas et racionabiles ordinaciones per nuper gubernatores predictorum mercatorum Anglicorum de communi assensu eorumdem mercatorum pro huiusmodi gubernacione sua in partibus predictis iuxta priuilegia et auctoritates sibi per magistrum Prucie seu alios dominos parcium predictarum concessa factas et stabilitas seu per predictos gubernatores nunc ut premittitur eligendos iuxta priuilegia predicta seu alia priuilegia eisdem mercatoribus Anglicis per predictos magistrum et dominos imposterum concedenda faciendas et stabiliendas rata firma et accepta habere et pro ratis firmis et acceptis ibidem firmiter et inuiolabiliter obseruari\ ♦ Damus autem uniuersis et singulis mercatoribus Anglicis predictis tenore presencium firmiter in mandatis quod eisdem gubernatoribus sic eligendis et eorum loca tenentibus in premissis omnibus et singulis ac aliis gubernacionem et regimenA in hac parte qualitercumque concernentibus intendentes sint consulentes obedientes et auxiliantes prout decet\ ♦ Datum in palacio nostroA Westmonasterii sub magni sigilli nostriA testimonio sextoA die junii anno regni nostri quintoA\. /Per ipsum regem et consilium/A