Kong Henrik 4. af England pålægger John Topcliff, serjeant-at-arms, at undersøge en
klage fra Albrecht Negler og Oluf Skipper, købmænd og skibsførere fra Ålborg, over,
at de er blevet frarøvet deres varer ud for den norske kyst.
A: Tabt
Aa: London, Public Record Office, C 66/372 membrane 2d.
I margin: d De inquirendo.
Tryk: Calendar of the Patent Rolls 1401-05, p. 512 (referat på engelsk);
Dipl. Norv. XIX 820 nr. 663; J. Engberg, Kilder til dansk hist. i eng.
arkiver 14
Tekst efter Aa
Rex dilecto sibi Iohanni Topclif seruienti suo ad arma\ salutem. ♦ Supplicauerunt
nobis dilecti nobis Albertus Neiller et Oliuerus Shipper mercatores de Dacia magistri
et possessores duarum craierarum
uocatarum les Cristofres de Alberghis ut cum ipsi nuper supra mare super
costeras de Norwey in craieris predictis diuersis mercandisis uidelicet cera meda
anguillis spik porcorum braseo et farina auenarum carcatis mercatorie uelassent ad
commodum suum in diuersis partibus prout legales mercatores facere deberent inde
faciendum ac [qui]
[qui]dam ligeorum nostrorum cum quatuor nauibus de Whitby et Nouo Castro uidelicet
Willelmus
Richardesson unus magistrorum predictarum quatuor nauium una cum aliis magistris ceterarum ipsa[rum]
ipsa[rum] nauium in comitiua sua mercandisas predictas una cum
cra<i>eris predictis et apparatibus earundem qui ad octinginta et quadraginta nobilia se
extendunt ceperint et abduxerint ac secum adhuc detineant uelimus sibi de remedio
in
hac parte graciosius prouidere\ ♦ Nos uolentes in premissis fieri quod est iustum
ac
de fidelitate tua plenius confidentes\ assignauimus te ad inquirendum per sacramentum
proborum et legalium hominum parcium predictarum tam infra libertates quam extra per
quos rei ueritas melius sciri poterit si mercandise et craiere predicte una cum
apparatibus suis predictis per prefatum Willelmum ac alios magistros dictarum quatuor
nauium de Whitby et Nouo Castro in forma predicta capte fuerint et si sic tunc cuius
precii fuerint et ualoris et ad easdem mercandisas et craieras una cum apparatibus
earundem si extent alioquin uerum ualorem earundem si indebite et iniuste sic capte
fuerint dictis mercatoribus de Dacia prout iustum fuerit liberandum et restituendum
et ad iniungendum prefatis ligeis nostris in casu quo ipsi premissa facere
recusauerint\ quod sint coram nobis et consilio nostro in quindena pasche proxime
futura ad ostendendum quare ea facere non debeant et ad faciendum ulterius et
recipiendum quod per nos et dictum consilium nostrum tunc inde contigerit ordinari
♦
Et ideo tibi precipimus quod circa premissa diligenter intendas et ea facias et
exequaris in forma predicta. ♦ Damus autem uniuersis et singulis ligeis nostris
parcium predictarum tam infra libertates quam extra tenore presencium firmiter in
mandatis quod tibi in premissis faciendum et exequendum pareant obediant et intendant
prout decet. ♦
In cuius (rei testimonium has litteras nostras fieri fecimus patentes) ♦ Teste rege apud Westmonasterium xxx die marcii
