Kong Henrik 4. af England erklærer ikke at have givet magister Peder Lykke, den danske
konges forhandler i ægteskabsforhandlingerne, en årlig ydelse for at have bragt sagen
i orden.
A: Tabt
Aa: London, Public Record Office, C 76/89 membrane 15.
Påskrift: Pro magistro Petro <L>ick. (Hick, Aa).
Tryk: Rymer, Foedera VIII 425; Rymer, Foedera, ed. Holmes IV.1 92;
Pontoppidan, Annales II 388-389; Lagerbring, Svea Rikes Hist. IV 4 (i
udtog) - Carte, Cat. des Rolles Gascons, Normans et Fran{c-cedille}ois
II 190 (under 22. november); J. Engberg, Kilder til dansk hist. i eng.
arkiver 46; Reg. Dan. 3171
Tekst efter Aa:
Rex uniuersis et singulis regibus ducibus comitibus baronibus ac aliis quibuscumque
cuiuscumque status uel preeminencie fuerint ad quos presentes littere peruenerint\
salutem cum sincere dileccionis affectu ♦ Quorundam relatibus nostris est auribus
intimatum qualiter nonnulli pacis et concordie emuli\ non dei set iniquitatis filii
ac eorum patris incentoris mendacii qui inter unitatis filios iurgiorum zizannia
innititur continue
semi<n>are\ uestigia sectantes\
m<a>chinantes ac pro uiribus licet falso et subdole honestatem statum et famam nobilis uiri
magistri uiri Petri
<L>icke archidiaconi Roskildensis in ambassiatam per illustrem principem ac filium
nostrum carissimum regem Norwegie Dacie et Swecie penes personam nostram
contemplacione et pretextu matrimonii inter ipsum principem et filium nostrum
carissimum ac predilectam filiam nostram eius iam coniugem et consortem contrahendi
nuperime
direct<i> diminuere cupientes et denigrare\ ad aures quarundam nobilium personarum
tanquam inuidie facibus succensi susurratorie deduxerunt\ quod prefatus magister
Petrus de nobis quendam annuum censum pro termino uite sue ad finem quod matrimonium
huiusmodi debitum sortiri posset effectum percipere debuisset ♦ Et quia deo gratum
ac
nobis meritorium indubie reputamus ueritati in omnibus et saltem in hiis quorum
noti<ti>am lucide optinemus testimonium perhibere\ uniuersitati uestre ac uestrum
cuilibet innotescimus declaramus et patefacimus per presentes quod predictus magister
Petrus de nobis aut de aliquo alio nomine nostro aliquem huiusmodi censum uel
annuitatem premissorum intuitu seu alia causa quacumque nunquam peciit seu habuit\
nec nos seu quiuis alius nomine nostro eidem magistro Petro aliquem talem annuum
censum promisimus seu contulimus aut conferre pepigimus seu dabimus ullo modo\
quodque prefatus magister Petrus in negocio prelibato ac uniuersis aliis et singulis
ambassiatam suam huiusmodi concernentibus\ statum famam gradum et honestatem suos
ab
omni corrupcionis macula illesos prout nobis innotuit summo opere conseruabat\ sic
quod a
cuntis sani iudicii et non doli capacibus ex condigno accionis et laboris sui merito
laudibus extolli meruit et alcius commendari ♦ In cuius rei testimonium has litteras
nostras patentes fieri et magni sigilli nostri munimine fecimus consignari ♦ Datum
in
palacio nostro Westmonasterii viii die decembris.
