Eynueldige beuelunge williger dinste czu alle euwer koninclichin beheglichkeit beuor ♦ Allirdurchluchste forstynne vnd grosmechtige gnedige frouwe ♦ Als euwir hochwirdikeit vns leczt by euwerm boten Mertyn Ienissone brifflich vndirricht habt etlichir teidinge geschen czwusschen euwir durchluchtikeit vnd dem hochwirdigen konynge Albrecht vnd wie ir die vorramet hettet czu vnsers ordens bestes wurden wir ouch wol vs etlichin copien vndirwyset off den selben euwir hochwirdikeit briff vnd copien egedecht wir wedir vorschreben haben czu der czit vnser meynunge vnd schelunge by den selben boten abir kurczlich dornoch als euwir bote von vns gescheiden was wart vns geentwert eyn briff den der irluchte herczog Iohannes von Mekelburg vns sante by synem eigenen boten in deme her vnsA vnd vnsern orden dirmanet hog vnser ere vnd gelobden gedenkende dorynne des houptbrifes der vorsatczunge obir das lant Gotlant wie her den vorsegilt habe gleichmechtig mit koning Albrecht egenant synen vetter vnd is im zo wol czu losende stee von vns als dem vorgedochtem synen vetter das wir vns dorvmbe kegen im ouch bewaren solden des selbegen synesA brifesN vsschrift wie her vns dirmanet senden wir euwir grosmechtikeit yn dessem vorslossen hirvmbe gnedige frouwe synt euwir durchluchtikeit vnsern orden besorget vnd vorramen wil vnser bestes yn den sachen vnd teidingen so bitten wir euwir grosmechtikeit mit demutigen fleissigen beten das ir vns ouch bewaret kegen dem vorgenanten herczog Iohannes went der houptbriff der vorsatczunge im ouch stet czugeschreben vnd von im mete vorsegilt ist also das is not ist sal die sache wol geflegen werden vnd czu eynen fruntlichin besteen komen das man sich vor see yn den teidungen mit dem obengenanten koning Albrecht das her ouch mechtig sey des berurten herczog Iohannis vnd das man sie nicht sundere yn den sachen wir haben yn dem leczten vnserm brife euwir grosmechtikeit by Mertyn euwerm vorbenumpten boten gesant ouch gedocht vnsers getruwens Albrecht Rothes rathman von Thorun vnsers botens wie her vns von den vil gedochtem koning Albrecht eyne entwert wedir brengen solle nu was yn desses brifes gebunge der selbe Albrecht noch nicht czu lande komen vnd dorvmbe mochten wir czu desser czit von der von der sacheA for^de rlichir nicht schreiben denne wir vorgeschreben haben euwern gnaden die got wolfarende geruche enthalden czu langen cziten Gegeben off vnserm huse Marienburg an der mitwoche noch Prisce uirginis im xiiiic vnd vitem iore.