Wir Ruprecht von gots gnaden Romischer kunig zu allen zÿten merer des Richs vnd Wir Johanns von denselben gnaden pfaltzgraue by Rine vnd hertzog in Beyern des obigen vnsers gnedigen herren des Romischen kunigs sone Bekennen vnd tun kunt offenlich mit disem briefe Als der Edel Hademar her von Laber Hans Truchsesse von Balderssheim Ritter vnd Conrad vnss lantschriber zu Amberg als vnser sachwalten vnd mechtige boten von vnss beider wegen mit dem durchluchtigen hochgebornen fursten hern Erick zu Dennemarck Sweden vnd Norwegen, der wenden vnd der Gotten kunig vnd hertzog in Pomeren ein hyraut vnd Ee zuschen vnss hertzog Johansen obgenant uff ein vnd der hochgebornen Jungfrauwe Katherinen des vorgenant kunig Ericks swester off die ander syten geredt geteidingt uber komen vnd beslossen hant In der masse als dieselbe teidinge von Worte zu Worte hernach geschriben stet vnd also lutet: Dise nachgeschriben tedinge vnd artikele sint getedinget geramet ghewisset vnd ghelobet hir to Lunden tuschen den Edeln hochgeboren herren vnd fursten her Ruprecht Romisch konige vnd syme sone hertog Johan in Beyern vnd pfaltzgraue vppe dem Ryne vppe de enen syde vnd dem hochgeboren Edeln fursten hern Erick to denmarcken Sweden vnd Norweghen der wende vnd der gotten kunigh vnd hertich In Pomeren vnd siner Süster Jungfraw Katherinen vpp de ander zÿde in aller mate alz hie nachgeschriben stet. In den Jaren vnsers heren Chrisi xiiijc vnd vj vp sant Mertins dag zum ersten male daz de hochgeborn furste künig Erick vorbenant hertzog Johann von Beyern des Romischen kunings son vorschriben sine suster Jungfrawe Katherinen gegeben heft to rechter ee. Item her Hadmar here von Laber vnd her Hans Truchsesse von Palderssheim Ritter vnd Conrad lantschriber to Amberg heben gelobet dat de vorbenant hertzog Johann Jungfrauwe Katherinen vorschriben nemen vnd haben sal to rechter echtschop Item sal de vorbenant hertoch Johan komen to Ripen vnd byslapen de vorbenant Jungfraw Katherinen aldar vp vnser lieben frauwen tage Assumpconis nechst komende. Item sal kunig Erick vorschriben mit der vorbenant siner süster geben vierzig tusent rinische gülden oder auch ander golt oder silwer na Rinscher guldene werde. Item dat de Romisch kunig vnd hertoch Johann sin sun vorbenant Jungfraw Katherinen vorschriben machen und doen alsulich lÿfgedinge vnd se dar also ane besorgen vnd bewaren to behaltende alz lange alz se lebet als de here romische kunig vnd hertoch Johan sin son vor gode bekennen willen vnd als kunig Erick vorbenant en toleuet. Item were sache daz de vorschriben hertoch Johan vorstorwe edder affginge dat got vorbede eer Jungfrauwe Katherine vorbenant dat se dan ere lyffdinge behalde also lange alz se leuet edder och vil goldes wider kriegh alz mit ir utgegeben wart vnd dat se vnd ir fründ den koor von den zwen hebben, welk erer se darvan leuest willen. Item wat Jungfrawe Katherin vorbenant mit sich In bringet von clenoten vnd so danen dingen vnd wat er gegheuen wirt von hertoch Johann vnd von anderen dat se dat mit sich wider wt bringe ungehindert offt se lenk leuet wan hertoch Johann vorschriben. Item sal hertoch Johann vorschriben machen vnd doen konig Erick bewaringe upp dat lyfdingk mit dez romischen kunigs vnd syneme egken vnd eres beide Rades breuen vnd Insiglen, also dat de vorschriben Jungfraw Katherine daran verwaret sy, vnd alz yt vore geschriben is er de vorbenant hertoch Johann die xl tusent guldene kricht. Vnd wan hertoch Johann vorschriben Jungfrauwe Katherinen byslapen heft upp dat tÿt als vorschiben stet vnd de bewarung vpp dat lyfgedinge gescheen is dat yme denne vere weken darna sin wiff Katharina vorschriben vnd de vertzig tusent gulden to hws volghen alz vorschriben stet. Alle dese vorschriben artickele vnd tedinge hefft kunig Erik vorbenant gelobet heren Hadmar van Laber herre hansse vnd Cunrat lantschriber vorbenant von siner vnd siner suster Jungfrauwe Katherinen vorschriben wegen vp de enen syde vnd de vorbenante here van Laber her Hans vnd Conrat hebben kunig Erik widder louet von des romischen kunigs vnd sins sons hertzog Johans vorschriben wegen vp de ander sÿde alle diese vorschriben stucke vnd artikele stede vnd vaste zuholdende in aller mate als vorschriben stet In guten truwen sunder arch vnd hebbet ere Ingesigele to beiden sÿden getrucket laten an desse cedelken. Screuen Im Jare tagh vnd stete als vorschriben stet. Des haben Wir die vorgeschriben tedinge in allen iren artickeln puncten stucken vnd meynungen alz sie darin begriffen ist vnd vsswiset genzlich uffgenomen beweret vnd beuestent dar nachzugende vnd die zu follenfurende ane alle geuerde. Vnd als vnder anderen artickeln in den vorgeschriben tedingen begriffen ist das der vorgeschriben kunig Erik mit der vorgenant siner swester breutzug tusent Rinscher gulden geben sal. Vnd daz wir kunig Ruprecht vnd hertzog Johann vorgenant der vorgeschriben Jungfrowe Katherinen machen vnd tun sollen lyffgedinge zubehaltende als lange sie lebet. Vnd daruff kunig Erick obgenant bewarunge tun mit vnss beder eigenen vnd vnsers beder Rates brieffen vnd Ingesigeln daran die vorgeschriben Junkfrawe Katherin vellen sy. Des haben wir kunig Ruprecht vnd hertzog Johans obgenant fur vns vnd vnse erben die vorgenant jungfrauwe Katherinen furpflichtet ire lyffgedinge bewiset vnd ir verpflichtet diese nachgeschriben gut mit namen vnss stat zu dem Nuwemarckt vnd die Hoffemarck daselbst mit iren zugehorungen, Vnss stad Altdorff vnd die hoffmarck daselbst mit iren zugehorungen Vnss veste heimberge mit irer zugehorunge Vnss veste pfaffenhofen vnd luterhofen den marckt mit iren zugehorungen Vnd vnser vesten heinspurg vnd perge das dorff mit iren zugehorungen Also bescheidenlich wers da got vor sÿ daz wenn der vorgeschriben hertzog Johanns ee abgingen von tods wegen dan die vorgeschriben Jungfrauwe Katherin vnss gemahel so sal dieselbe vns gemahel nach vnsem tode die vorgenanten Stedte hoffmarcke, vesten marckt vnd dorff mit allen nutzen Renten vnd vellen darzu gehorenden Innhaben gebruchen vnd niessen iren lebtagen vnd ir lyffzucht genuglich daran haben von vns vnseren erben vnd allermeniglich von vnsen wegen vngehindert. Ez were dan daz ir breutzug tusent Rinischer gulden mit irem guten willen fur die obgeschiben lyffzucht werdent als yn den vorgeschriben teidingen begriffen ist. So sollent alsdan die vorgeschriben Stette hoffmarcke vesten marckt vnd dorff solicher bewisunge vnd verpflichtunge alz vorgeschriben stet genzlich ledig vnd los sin Vnd hervff sollent auch vnsse Amptlute burger vnd hindersessen in den vorgeschriben Stetden hoffmarcken vesten marckt vnd dorff der vorgeschriben Jungfrauwe Katherinen oder ein gewissen boten dem sie das beuilhet wann sie in vnss lant komet in einem monad darnach vergeulich globen hulden vnd sweren zugehorchen vnd zugewarten off ein lyffzucht lediclichen mit allen nutzen, renten vnd vellen als vorgeschriben stet. Alle vnd igliche vorgeschriben stucke punkte vnd artickel wollen wir kunig Ruprecht vnd hertzog Johanns obgenant stete halten tun vnd follenfuren vnd schaffen getan vnd follenfuret werden, vnd herwider nit komen durch vns selbes oder yemand anders in deheine wise ane alle geurde. Des allez zu vrkunde vnd vester stetikeit haben wir kunig Ruprecht obgenant vnss kuniglich majestad vnd wir hertzog Johans Vnss eigen Ingess an diesen brieff dun hencken. Vnd haben zu merer sicherheit aller vorgeschriben dinge geheissen vnd gebeten die hochgebornen Ludwigen Stepfan vnd Otten vnss kunig Ruprechts lieben sone vnd fursten vnd vnss hertzog Johansen brudere daz sie iren guten willen darzu geben vnd getan hant. Wir haben auch geheissen vnd gebeten die Erwirdigen Edeln vnd strengen vnse lieben fursten Grauen Rete vnd getruwen, die hie vnden an diesem briefe geschriben stent daz sie zugezugnisse aller vorgeschriben dinge vns der zu besagen Ire Ingesiegele by die vnseren an diesen brieff hant gehencken Vnd wir Ludewig Stephan vnd Ote gebrudere pfaltzgrauen by Ryne vnd hertzogen in Beyern Bekennen offenlich an disem briefe fur vns vnd vnsse erben daz wir von geheisse vnd bete wegen der vorgeschriben vnsers gnedigen heren vnd vater kunig Ruprechts vnd vnsers lieben Bruders Hertzog Johansen vnsen guten willen zu allen vorgeschriben dingen geben vnd getan hant vnd wollen auch die vorgeschriben bewisunge vnd verpflichtunge die der vorgenant Jungfrauwe Katherinen also fur ire lyffzucht gescheen ist veste vnd stete halten vnd darwider nicht dun noch komen in deheine wise sunder sie daby getruwelichen hanthaben vnd schirmen ane alle geuerde. Vnd wir Johannes Erzbisschoff zu Riege Matheus Bisschoff zu wormss Friderich zu Ötingen dez obgenanten vnsers herren des Romischen kunigs hoffemeister friderich zu Veldentze Johann zu Wertheim hug vom heiligen Berge Graue Hadmar here zu laber Schenck Hans Schenck Eberhard herren zu Erpach Swarcz Reinhart von Sickingen landvogt in Elsass, hans Truchsesse von Baldersheim Ritter vnd Conrad lantschriber tzu Amberg Bekennen offenlich an disem briefe das wir von geheisse vnd bete wegen der obgenanten vnseren gnedigen hern des Romischen kunigs vnd vnsers lieben hern hertzog Johansen vnse Ingesigele by irn Ingess zu gezugnisse aller vorgeschribenen dinge hant dun hencken an disen brieff Der geben ist zu Heydelberg off den nechsten dinstag nach sant Peters tag Vincula zulatin nach der geburte viertzehenhundert Jare vnd darnach in dem sybenden Jare vnsers kunig Ruprechts Richs in de sibende jare.