Johanni Molner archidiacono in ecclesia Zwerinensi, apostolice sedis nuntio.

Cum Alexander V, de tue fidelitatis et circumspectionis industria fiduciam plenam habens, te in Bremensi et Rigensi provinciis necnon in Caminensi et Verdensi et Slesvicensi civitatibus et diocesibus fructuum in eisdem camere apostolice debitorum constituerit collectorem, nos, ut hujusmodi officium favorabilius prosequi possis et efficacius ad utilitatem ipsius camere exequaris, discretioni tue, ut hujusmodi officio ulterius necnon etiam omnibus litteris per dictum predecessorem aut gentes prefate camere tibi in officio predicto interim directis super quibuscunque negotiis utilitatem ipsius officii vel camere prelibate concernentibus, tam ceptis quam non ceptis, uti et contenta in ipsis litteris exequi valeas, plenam concedimus tenore presentium facultatem.

Datum apud s. Antonium extra muros Florentinos 7. id. sept. anno 4.