Universis et singulis presencia visuris seu audituris Godekinus Bage proconsul ceterique consules Ripenses salutem in domino sempiternam ♦

Noverint universi tam posteri quam presentes nos quandam apertam litteram nobilis viri Johannis Kalff sanam et integram non abrasam non abolitam nec in aliqua sui parte suspectam . sed omni prorsus vicio et suspicione carentem ipsius Johannis principalis et discretorum virorum domini Hartwici plebani ecclesie Kaldingh . et Marquardi Konirtssøn civis Ripensis testium sigillis sanis salvis et integris . appendentibus vidisse et audivisse cujus quidem littere tenor de verbo ad verbum sequitur et est talis . ♦

Omnibus presens scriptum cernentibus Johannes Kalff salutem in domino sempiternam (etc. = DD 3.III.306) ♦

Nos igitur proconsul et consules antedicti in verbo veritatis protestamur suprascriptum fuisse et esse prefate littere Johannis Kalff verum et fidele transumptum et in hujus testimonium sigillum nostre civitatis Ripensis ob rogatum . capittuli Ripensis presentibus duximus apponendum ♦

Datum Ripis anno a nativitate domini millesimo quadringentesimo quartodecimo in die beate Juliane virginis et martiris gloriose ♦