Willem bider genaden Goids palensgraue vpten Rijn hertoge in Beyeren graue van Henegouwen van Hollant van Zeelant ende here van Vrieslant / doen cont ende kenlic allen luden dat wij mit onsen rade ende clercken gesien gehoort ende doen lesen hebben enen brieff gansse gaue volcomelic geheel ongerazůert ende ongecanceleert wail bezegelt mit alreheinde bisscoppen ende edelre lude segelen inden seluen brieue genoemet dair twee segelen an gebraken alze des bisscops van Roskilde ende Jons Alschelsson sprekende van woirde te woirde als hier na bescreuen staet ♦

An Goodes namen amen (= Dipl. Dan. 3. rk. VIII nr. 456) ♦

Ende want wy aldustanighen brief gesien ende gehoirt hebben alse vůergerůert staet so hebben wy in getughe dair af onse segel an desen transsumptbrieue doen hangen ♦

Gegeuen jnden Hage vpten seuentiensten dach in aprille jnt jair ons heeren dusent vierhondert ende veertien ♦