Omnibus presens scriptum cernentibus Cristiernus Hemmingi prepositus Roskildensis salutem in domino sempiternam ♦

Noverint universi presentes et futuri quod recognosco me discreto viro Nicolao Petri civi Roskildensi quandam meam curiam Roskildis in parrochia sancti Botulphi juxta plateam . a parte aquilonari / inter quandam parvam stratam dictam Høwebrwns Strædæ ad occidens / et curiam quam nunc inhabitat quidam Petrus Olavi ad oriens . situatam / cum omnibus suis pertinenciis . jure . scotacione et proprietate quibus michi advoluta est . vendidisse . scotasse et ad possessionem perpetuam resignasse . Pro qua quidem curia recognosco me et meos heredes plenum precium juxta consensum meum a predicto Nicolao Petri integraliter sublevasse ♦

Insuper obligo me et meos heredes sepedicto Nicolao Petri et suis heredibus prefatam curiam cum omni jure quo michi advoluta est . liberare . disbrigare et apropriare ab inpeticione et contradiccione quorumcumque ♦

In cujus rei testimonium sigillum meum una cum sigillis honorabilium virorum . dominorum Michaelis Clementis et JohannisA Gerikini canonicorum Roskildensium presentibus est appenssum ♦

Datum anno domini mcdxiii^o proxima quarta feria ante festum beati Olavi regis et martiris ♦