Hinricus Dei gratia Holsatie Stormarie etcetera comes.

Unse vr{ue}ntlicke ghunste bevorn.

Erliken borgemester unde ratmanne.

Wy begehren juw to wetende dat wy mit unsen mannen to der Nystadt lighen unde wolden de gherne vesten unde bemannen dat unsen landen dar neyn schade van unsen vyanden van en schude unde hebben wol vorsched to de koningk van DennemarkenA uth dem Femersunde lede, dat he do na uns unde juwer stadt to dem Kyle leggen wolde.

Des bydde wy juw vr{ue}ndliken dat gy to unser stadt also seen unde weren, dat unsen landen dar neyn schade van schee, alse wy juw wol belowen, alse ju s{ue}lven und uns dat mede gelt, und iff dat also were dat de koningk na dem Kyle wart were, unde dar mende isz wy mit unsen mannen ju entsetten sc{oe}len, so bedet unde scrivet uns dat so will wy uns daranne gherne bewiszen.

Wes ju will hierin isz, des juw behof were, begehre wy juwes vr{ue}ntliken antwordes by unsen boden.

Screven under unsen jnghesegel des mandaghes na Trinitatis.