Omnibus presens scriptum cernentibus ♦

Jonas Jone presbiter ac persona altaris sancti Andree ecclesie Lundensis salutem in Domino sempiternam ♦

Constare volo uniuersis quorum interest sive interesse poterit me ex consensu et voluntate reverendissimi in Christo patris ac domini mei graciosi domini Petri divina miseracione archiepiscopi Lundensis Swecie primatis et apostolice sedis legati necnon venerabilis capituli sui honorabili viro domino Johanni Pauli archidyacono Lundensi fratri meo dilecto omnia et singula bona mea in Swarthøthorp in parrochia Flakkarp situata pronunc desolata altari meo predicto adjacencia cum omnibus et singulis ipsorum bonorum pertinenciis pro annua pensione unius medie marche argenti currentis monete ad dies suos dummodo circa festum exaltacionis sancte crucis michi aut successoribus meis in dicto altari annuatim in solvendo pensionem ut premittitur non defecerit in conductum dimisisse ♦

In cujus rei testimonium secreta videlicet reverendi patris et domini mei predicti venerabilis capituli sui Lundensis una cum sigillo meo presentibus sunt appensa ♦

Datum anno Domini mcdxv^o profesto beati Gregorii pape et confessoris.