Vruntlike grote mit gunstiger begeringe heils und alles gudes in Gode tovorn.

Her Johan, gude und werde vrunt.

Also ju wol witlik is, dat wi noch geldes tachter sint van des kopmans wegen, des gi ju umme unsen willen underwunden hebben to manende, God geve, dat wi dat moten vorschulden.

Worumme bidde wi ju vlitliken, wes gi dar van ingemanet hebben, dat gi dat willen antwerden her Hinrik Katten, her Godscalk Krowele, unses rades mede kumpane, und wes dar na blivet stande, dat gi dat willen manende wesen na juwen vormogen, dat uns hoch jegen ju steit to vordenende.

Hir bewiset ju an, also wi ju wol to betruwen, dat wi gerne vorschulden willen, wor wi mogen.

In Gode moget wol, over uns to bedende.

Gescreuen an unses Heren hemelvardes avende, under unses stades secret.

Borgermestere und raetmanne der stad Wysby up Godlande.