Na der grute etcetera.

Ersamen leven vrunde.

Wi bidden ju to wetende, dat uns de heren van Ghotlande lesten screven enen bref, und dar scriven se uns inne, wo in vorledenen tiiden, na Godes bort dusen drehundert XCI jar, do weren gesant to Novwerden vor sendeboden de erbaren lude, her Hinrik van Vlandern und her Godeke Kure unseres rades medecumpane, welke reise kostede wedder und vort III^c mark XIV mark Rigesch und XIV schilling.

Vort scriven se uns, wo dat her Johan Stoltevoet heft entfangen van erer wegene van dessem vorgescreuen summen XL mark Rigesch.

Vort scriven se uns, dat wi wol don und geven en vort den summen, den se noch tachter sin van dem vorgescreuen gelde.

Ersamen leven vrunde.

Worumme wi ju vruntliken bidden, dat gi wol don und holden dit in gedechtnisse, wen de binnenlandeschen stede to hope komen, und wes gi uns hir van scriven, dar wille wi uns gerne na richten.

Hir mede siit Gode bevolen, over uns to gebetende.

Gescreuen to Novgarden, an unser vruwen dage Nativitatis, XIV^c XV.