Universis christifidelibus ad quos presentes littere pervenerint Petrus dei gracia archiepiscopus Lundensis Swecie primas salutem in domino sempiternam . ♦

Cum largitor omnium bonorum et beneficiorum retributor in largicionibus elimosinarum et aliis piis operibus absolucionem constituerit delictorum christifideles ad ipsa opera pietatis excitare cupientes ecclesie nostre Lundensis in suis facultatibus et edificiis nimium depresse specialiter et caritative impendenda omnibus et singulis qui dictam ecclesiam in festivitatibus annunciacionis assumpcionis beate Marie virginis sancti Laurencii martiris sanctarum virginum Florencie et Eufrosine sancti Marini martiris sancti Kanuti regis ac ostensionis reliquiarum causa devocionis visitaverint . dimidiam karenam dimidium annum penitencialem de injunctis sibi penitenciis annis singulis in domino misericorditer relaxamus . ♦

Ceterum omnibus homicidis et oppressoribus infantum qui festis dictorum sanctorum in dicta ecclesia interfuerint et pro restauracione et structura ipsius ecclesie notabiliter largiti fuerint intuitu pietatis . dummodo primitus apud . ipsam ecclesiam nostram reconciliati fuerint ut tenentur dimidiam karenam et annum dimidium penitencialem una vice tantum de injunctis sibi penitenciis pro hujusmodi reatu indulgemus ♦

Officiali vero nostro qui nunc / in spiritualibus est / vel pro tempore fuerit / graciam hanc ipsis impendendi plenam committimus facultatem ♦

Datum Lundis sub secreto nostro anno domini m^o cdxv^o die beati Dyonisii martiris . ♦