Unsern gar willigen gehorsam mit demutiger empfelunge zuvor.

Erwertiger lieber her meister.

[.....]

Ouch ist euwir edelman von Haryen einer, Herman Litel geheissen, korzlich bi deme koninge von Dennemarken gewest, und zu ein mole was her des bischofs gast von Roschilde.

Do si obir tofel sassen, sprach der bischof: unser herre der koning hat nuwen rad und volget den; volgete her sime alten rate, das were besser, und liesse die se stede unvorworwen, und griffe an Haryen und Wirland, da her mer recht zu hot.

Mag euwir wisheit icht gutis ratis dazu irdenken, das setzen wir an euwir erwertikeit, die God almechtig geruche gesunt behalden zu langer selikeit.

Gescrewen zu Rige, am tage circumcisionis Domini, anno XVI.

Gebitiger zu Lifland.