Minen willigen denst und was ik godes vormach, to allen tiden bereit.

[.....]

Item so beger ich juwer wisheit to weten, wo der konink van Sveiden heft hir breve gesant int lant, dat ein islik lein man sal reide sin mit aller siner macht, to sehe und to lande to eme to komende, bi sineme live und bi sineme gode.

Hir umme, leven erberen heren, so sent to, dat gi und ander vrende nicht beschadet en werden, went it wil to mail ovel stain in alle dese se, und dorch den Ortsunt en kan men nicht gekomen sunder anleggende.

Ok so secht men hir, dat de Holsten unde Lubeschen und veil ander smaleheren dem koninge entsecht hebben, und hebben alreide gebrant in des koninges lande.

Hir mede sit Gode bevolen und gebeit over mich.

Geschreven to Rasborch, des manendages vor Palmen.

[.....]

Peter de Volme.