Unsern fruntlichcn grus zuvor.

Ersamer, liber her gebitiger.

Euwern brief mit den zwen zedeln, dor inne vorslossen, uns als gestern geantwert, hoben wir wol vornomen.

Und als ir zum irsten schribet, das dem hern konige zu Swedin unmasen sere vorsmahit, das sime cappelan die briefe genomen sin und ofgebrachen etcetera.

Lieber her gebitiger.

Wir wissen ernstlich nicht dovon, als wir euch selbir och gesaget haben, und haben den kompthur zu Danzig und den ganzen rath derselben stadt wol bekommert umb ein sulchs, die is hoch of sich nomen, das sie nichts dovon wissen, wir konnen slechts nicht do bi komen.

Sich ist zu vormuten, das der capellan die briefe andirswo verwarlost hat, und mit siner entschuldigunge bedasset her vil leichte mit eime sulchen unsern orden.

Nu welden wir gerne euwir anweisunge folgen, und unsere redeliche botschaft zum herrin konige zu Denemarkt usrichten, von den und ouch von her Johans von Dolen sachen unser unschuld und rechtfertikeit vorzubrengen.

[.....]

Gegeben zu Marienburg, am abunde Trinitatis, anno etcetera XVI^to.