Unse innigen gebede in Gode und wes wi to juwer behegelicheit gudes vormogen tovorn.

Leve her meister.

Juwer werdicheit begere wi to weten, dat bi uns gewesen is ein gud vrunt, dem wir wol getruwen, des koninges geswaren, de uns berichtede, dat he muntliken van dem koninge gehort hebbe: wert de kriech tuschen den Hoelsten und em vorliket, so wil he sik mit den sinen uet maken, likerwis alse eft he uppe de Russen tee, und wil to dessem lande teen, sik dar ane vorsokende.

Dar wete juwe herlicheit sik to richten, de God almechtich beware gesund und selich to langen tiden.

Gescreven in dem dage der hilgen drivaldikeit, in dem XVI^ten jare.

Broder Johannes, van Godes genaden bischop to Revel.