Vruntlike grote etcetera.

Ersamen heren und guten vrunde.

Wi bidden juwe ersamheit, dat gi de schipheren, de dar bi ju reede sint to segellende und sunderlings dor den Sunt, underwisen und dar ane warnen willen, dat se to samende bliven in der see, wente wi vornemen, dat id itzwat wunderliken stae in der see, und sunderliken in der Westersee, wente wi vornemen, dat de Engelleschen unde Yenevozere jegen andern in der see siin.

[.....]

Screven under unser stat secrete, in sunte Johannis dage to Lychten, int jar XVI.

Borgermestere unde raet der stat Darbte.