Omnibus presens scriptum cernentibus . Buzæ Pariis armiger habitans in Hælsinghe salutem in omnium salvatore ♦

Notum sit universis tam posteris quam modernis me reverendo in Christo patri ac religioso domino . domino Benedicto Esberni abbati in Ebbleholt omnia bona mea in Wthlærdhe sita videlicet duas curias de xxiii solidis terrarum dantes quatuor pund cum sex modiis anone pro annua pensione cum omnibus et singulis eorundem bonorum attinenciis videlicet agris / pratis / silvis / pascuis / piscaturis / mobilibus et immobilibus humidis et siccis nullis demptis quibuscumque nominibus censeantur michi jure hereditario advoluta pro sexaginta marcis argenti in prompta pecunia et nullo alio valore prout bene contentor integraliter vendidisse et ad manus suas libere assignasse perpetuo jure possidenda . ♦

Unde obligo me et meos heredes ad scotandum appropriandum et disbrigandum dicto patri et domino Benedicto Esberni suisque successoribus omnia et singula predicta bona ab impeticione qualicumque ♦

Insuper si predicta bona ipsi patri et domino vel suis successoribus secundum leges terre evicta fuerint extunc ego et mei heredes ad refundendum sibi vel suis successoribus bona equivalencia simus asstricti per presentes ♦

In cujus vendicionis testimonium et cautelam firmiorem . tenorepresencium sigillum meum una . cum sigillis honorabilium dominorum necnon virorum discretorum videlicet Jacobi de Snolstorp . Nicolai Hemingi de Veyby . presbiterorum . Hemingi Pariis fratris mei dilecti . Hermanni van Ørtzs et Olavi Gunnari armigerorum duxi appendendum ♦

Datum anno domini m^o cd^oxvii^o ipso die sancti Thome apostoli gloriosi ♦