( .....) A

Item beatissime pater cum prefatus e. s. v. filius et zelator devotissimus nuper zelo fidei ac devocionis accensus prefatum ordinem in predicto regno suo Dacie collocare desiderans quandam ecclesiam parrochialem ad presentationem ejusdem domini regis pertinentem in loco qui dicitur Skemminge Ottoniensis dyocesis ad hoc abili et necessario cum non nullis possessionibus domibus curiis agris ortis pratis piscaturis colonis et <censibus>A ac omnibus aliis et singulis suis redditibus fructibus obventionibus et pertinentiis dyocesani loci et aliorum quorum intererat consensu ad id accedente / pro fundacione ereccione et novella plantacione quorundam monasteriorum utriusque conventuum ejusdem ordinis pie ordinaverit et assignaveritA / cupiensque eundem locum monasteriaque in eo juxtaA statuta ejusdem regule jam canoniceA erecta ob specialem devocionis fervorem monasteriumA in Mariebo in lingua wlgari ejusdem regni perpetuis futuris temporibus nuncupari supplicat igitur s. v. idem devotissimus princeps quatinus fundacionem donacionem ereccionem ac denominacionem predictas ac omnia et singula inde secuta grata et rata habentes / dignetur e. s. eadem monasteria in Mariebo cum omnibus et singulis privilegiis libertatibus exempcionibus graciis indulgenciis et indultis eisdem monasteriis quacunque auctoritate concessis omnibus aliis et singulis monasteriis ejusdem ordinis ipsorumque privilegiis graciis et libertatibus quorumcumque tenorum existant misericorditer aggregare ipsasque et ipsa ex certa sciencia ratificare et approbare et auctoritate apostolica confirmare ac sub proteccione beati Petri et sedis apostolice in perpetuum graciose recipere de s. v. gracia speciali constitucionibus apostolicis aut ordinariisA ac statutis provincialibus et synodalibus ac aliis in omnibus et singulis supplicationibus suprascriptis quomodolibet expressis in contrarium facientibus non obstantibus quibuscumque ♦