Universis christifidelibus ad quorum noticiam presentes litere pervenerint Petrus Lůkka dei gracia archiepiscopus Lundensis Swecie primas et apostolice sedis legatus salutem et sinceram in domino caritatem ♦

Pium et gratum deo obsequium impendere credimus quociens ejus fideles ad pietatis opera excitamus ♦

Cupientes igitur ut capella beate Gertrudis virginis in Køkæ Roskildensis dyocesis in debitis habeatur reverencia et honore omnibus vere penitentibus et confessis qui missas et alia divina officia in ea audierint aut sepulturis mortuorum ibidem interfuerint seu cimiterium ejus pro defunctis exorando circuierint seu ornamenta vel alia quevis beneficia ei donaverint vel legaverint seu ad structuram suam manus adjutrices porrexerint / aut pro statu nostro felici et tocius Christianitatis deum pie exoraverint quociens premissa vel aliquod premissorum sincero affectu fecerint tociens de omnipotentis dei misericordia et beatorum Petri et Pauli apostolorum ejus auctoritate confisi xl^a dierum indulgencias de injunctis eis penitenciis misericorditer in domino relaxamus ♦

Datum Haffnis anno domini m^ocd^oxix^o secundo die mensis marcii nostro sub secreto ♦