Universis Cristifidelibus ad quos presens scriptum pervenerit Petrus divina miseracione archiepiscopus Lundensis . Johannes Wpsaliensis . Johannes Sleswigsensis Boecius Arusiensis . Laoo Vibergensis . Petrus Burglanensis Johannes Ottoniensis . Brynolphus Scarensis Thomas Orcadensis . Nauno Arosiensis . Cristiernus Ripensis . et Jacobus Gardensis eadem gracia ecclesiarum episcopi salutem et sinceram in domino caritatem ♦

Deum omnipotentem credimus habere propicium cum ejus devotos per indulgenciarum remissiones ad aliqua caritatis opera facienda incitamus ♦

Omnibus igitur vere penitentibus et confessis / qui ecclesiam beati Clementis Hafnis Roskildensis dy[oce]sisA nimia urgente paupertate miserabiliter ruinosam causa devocionis oracionis seu peregrinacionis visitaverint sive ad ipsam rura domos agros . pecora possessiones luminaria vestimenta aut alia caritatis subsidia in morte vel in vita donaverint seu donari procuraverint vel cimiterium ibidem pro animabus fidelium ibi et in Cristo ubique quiescentium pie exorando circuierint aut qui corpus dominicum vel sacrum oleum cum infirmis portantur sequti fuerint . vel qui missis predicacionibus seu aliis divinis obsequiis aut sepulturis mortuorum ibidem interfuerint . item qui in serotina pulsacione more Romane curie . ter Pater noster cum totidem Ave Maria flexis genibus devote pro pace dixerint . vel qui pro nostro . ecclesiarum nostrarum et regni Dacie presenciumque literarum impetratorum statu salubri deum pie exoraverint ♦

Quocienscunque premissa vel premissorum aliquod devote fecerint de omnipotentis dei misericordia et beatorum apostolorum ejus Petri et Pauli auctoritate confisi singuli nostrum quadraginta dierum indulgencias de injunctis sibi penitenciis dummodo loci dyocesanus consenserit in domino misericorditer relaxamus ♦

Datum Hafnis anno domini millesimo quadringentesimo decimo nono ipso die beatorum apostolorum Petri et Pauli nostris sub sigillis ♦